Կրթությունը
Ավարտել է Sevenoaks քոլեջը՝ ստանալով Միջազգային բակալավրի (IB) երկլեզու դիպլոմ։ Սովորել է Լոնդոնի Արվեստի դպրոցում («Arts Educational Schools, London»)՝ Էնդրյու Լլոյդ Վեբերի ղեկավարության ներքո: Ուսանել է նաև Մոսկվայի գեղարվեստական ​​թատրոնի դպրոց-ստուդիայի և Հարվարդի թատերական դպրոցի համատեղ կրթական ծրագրով։ Եղել է Էնթոնի Քլիֆորդ Գրեյլինգի կողմից հիմնադրված Նոր Լիբերալ քոլեջի ուսանողը։


Սվերդլովսկի երաժշտական ​​կոմեդիայի թատրոնում բեմադրել է «Պարտքով տվեք տենորի» մյուզիքլի ռուսալեզու տարբերակը (անցած սեզոնում «Ոսկե դիմակ» մրցանակակիր), որի համար արժանացել է «Բրավո» անհատական մրցանակաբաշխության «Երաժշտական թատրոնի լավագույն ռեժիսոր» մրցանակին: 

«Զարյադյե» համերգասրահի մեծ դահլիճում բեմադրել է «Մյուզիքլ խաղը» թատերայնացված համերգը, ուր առաջին անգամ ռուս հանդիսատեսին ներկայացվեցին ժամանակակից մյուզիքլի դասականների (Ջեյսոն Ռոբերտ Բրաուն, Սթիվեն Սոնդհայմ, ​​Մարվին Համլիշ, Դրյու Գասպարինի, Բենջ Պասեկ, Էնդրյու Լիպա, Մարկ Շեյման և Դեյվիդ Յազբեկ) ստեղծագործությունները՝ մոսկովյան մյուզիքլների առաջատար աստղերի և Եվգենի Զագոտայի ղեկավարած նվագախմբի կատարմամբ։

Նրա գործերից են՝ «Վերջին զանգը» տրագիկոմիկ մյուզքլի բեմադրությունը ՌԱՏԻ-ԳԻՏԻՍ-ում, «Ոսկե դիմակ» փառատոնի շրջանակներում կայացած «Արվեստագետի աշխատանքը մյուզիքլում» աշխատարանը Խաբարովսկում։

Ղեկավարում է #ABstudio ստեղծագործական միավորումը, որի շրջանակներում որպես պրոդյուսեր և բեմադրիչ իրականացրել է «Քերի» երիտասարդական ռոք-մյուզիքլի ռուսաստանյան պրեմիերան (ApARTe թատրոնի հետ համատեղ)։ Այն բարձր գնահատական է ստացելլ մյուզիքլի օֆ-բրոդվեյան օրիգինալ տարբերակի ռեժիսոր Սթաֆորդ Արիմայի կողմից, ով ներկա է եղել մյուզիքլի ցուցադրություններից մեկին «Հին Արբատ» թատերական տանը: Մշակել է «Նորմային մոտ» (Next to normal) և «Թերեզ» մյուզիքլների աշխատարանները: 

Բրիտանական Perfect Pitch-ի թատերախմբի և կոմպոզիտոր Քրեյգ Ադամսի հետ համատեղ մշակում է նոր մյուզիքլներ:

Կարդում է դասախոսություններ մյուզիքլի երաժշտական ​​և դրամատուրգիական բաղադրիչների վերաբերյալ, անցկացնում է թրեյնինգներ մյուզիքլի դերասանի սինթետիկ գոյի վերաբերյալ, նաև վարպետաց դասեր արդյունավետ վոկալի զարգացման ուղղությամբ։

Ռուսաստանի ազգային թատերական «Ոսկե դիմակ» մրցանակաբաշխության դափնեկիր «Լավագույն դիրիժոր» անվանակարգում («Օպերայի ուրվականը» մյուզիքլի համար, բեմադրությունը՝ Stage Entertainment Russia, 2016թ.):

Stage Entertainment Russia թատերախմբի մշտական ​​գլխավոր դիրիժոր և երաժշտական ​​ղեկավար՝ «Գեղեցկուհին և հրեշը» (կոմպոզիտոր՝ Ալան Մենկեն), «Զորրո» («Ջիփսի Քինգսի» և Ջոն Քեմերոնի երաժշտության հիման վրա), «Երաժշտության ձայները» (կոմպոզիտոր՝ Ռիչարդ Ռոջերս), «Փոքրիկ ջրահարսը» (կոմպոզիտոր՝ Ալան Մենկեն), «Չիկագո» (կոմպոզիտոր՝ Ջոն Քանդեր)։ Նաև աշխատել է որպես երաժշտական ​​ղեկավարի օգնական «Կատուները» (կոմպոզիտոր՝ Էնդրյու Լլոյդ Ուեբեր) և «Mamma Mia» մյուզիքլներում (ABBA խմբի երաժշտության հիման վրա):

Էնդրյու Լլոյդ Վեբերի «Օպերայի ուրվականը» մյուզիքլի միջազգային շրջագայության դիրիժոր։

Ուիլյամ Շեքսպիրի պիեսի հիման վրա բեմադրված «Փոթորիկ» ներկայացման երաժշտական ​​մշակումների հեղինակն է (Ա․ Չեխովի անվան միջազգային թատերական փառատոնի, ֆրանսիական «Les Gеmeaux» և բրիտանական «Cheek by Jowl» թատրոնների համատեղ բամադրություն)։

Ավարտել է Ժամանակակից արվեստների ինստիտուտի դիզայնի ֆակուլտետը и ՌԱՏԻ-ԳԻՏԻՍ-ի բեմանկարչության բաժինը։

Աշխատել է ավելի քան երեսուն թատերական ներկայացումներում որպես բեմանկարիչ և թատերական հագուստի ձևավորող։ Թատրոնում կատարած նրա գործերից են՝ «Հալկա Մոտալկոն» Կազանցևի և Ռոշչինի անվան դրամայի և ռեժիսուրայի կենտրոնում, «Մոսկվա-Չերյոմուշկի» օպերան Մարիինյան թատրոնում, «Զվարճալի սեթևեթուհիները» Պուշկինի անվան թատրոնում, «Մերձություն»՝ Վ. Մեյերխոլդի անվան կենտրոնում, «Սվինի Թոդ» և «Վերջին 5 տարիները» Տագանկայի թատրոնում, «Փիթտեր Փեն»՝ Մոսկվայի պատանի հանդիսատեսի մարզային պետական ​​թատրոնում, «Պարտքով տվեք տենորի» Սվերդլովսկի երաժշտական ​​կոմեդիայի թատրոնում, «Առաջին ժամադրությունը» և «Վալենտինի օրը» Մոսկվայի երիտասարդական պալատի թատրոնում և այլն:

2002թ.-ից աշխատում է որպես զգեստների ձևավորող կինոյում և գովազդային հոլովակներում։ Ֆիլմեր՝ «Մտքովդ անգամ չանցնի», «Մտքովդ անգամ չանցնի-2», «Երազելը վնասակար չէ», «Վիոլա Տարականովա», «Բունկեր», « Շնչել-արտաշնչել», «Սեփական թիմ», «Սերն այն չէ, ինչ թվում է», «Պատուհան», «Երկրորդ շունչը», «Վերապրել հետո-2», «Սպասիր ինձ»։ Գովազդային հոլովակներ՝ Coca-Cola, Samsung, Տատ-նաֆթ, Էլդորադո, Հյութեր "Я", Շիկահեր Up, Chevrolet, Prelox, Bruno Banani (Lacoste) ինտերակտիվ կայք, RuTube, Philip Morris, Lexus։ Ռուսական Առաջին ալիքի, НТВ-ի, СТС Love-ի ամանորյա հոլովակներ։

2008 թվականից մինչ 2011 թվականը մասնակցել է «RUSSIAN FASHION WEEK»-ին որպես նորաձևության ցուցադրությունների բեմադրող նկարիչ:

Աշխատանք կինոյում՝ «Սեփական թիմ» («Россия» հեռուստաալիք); «Սերը այն չէ, ինչ թվում է» (СТС); «Երկրորդ շունչը» (Ռուսական Առաջին ալիք); «Վերապրել հետո-2» (СТС); «Սպասիր ինձ» (Ռուսական Առաջին ալիք); «Վարգազեա» (Ռուսական Առաջին ալիք); «Երջանկություն իմ» գեղարվեստական ​​ֆիլմ (ընթացքում է):

Աշխատանք գովազդում՝ Chevrolet, Bruno Banani (Lacoste) գովազդային հոլովակներ։ «Անվճար լուք» (CTC Love) հեռուստաշոուի հոլովակներ:

Տասնյակ միջոցառումների զգեստների դիզայներ է՝ Unilever, Kaspersky, Միխայլով և գործընկերներ և այլն։

Ավարտել է Մոսկվայի մշակույթի և արվեստի պետական ​​համալսարանը՝ բեմադրող խորեոգրաֆ որակավորմամբ (2014թ.)։
Համալսարանն ավարտելուց հետո որոշել է մասնագիտական կյանքը կապել երաժշտական թատրոնի հետ։

2014 թվականին որպես բալետի արտիստ աշխատել է «Pola Negri» առաջին 3D մյուզիքլում։
2015-2018 թվականներին եղել է Stage Entertainment Russia թատերական ընկերության սվինգ և դենս-կապիտանը։ Մասնակցել է «Singing in the rain» / «Անձրևի տակ երգողները», «Cinderella» / «Մոխրոտը», «The Ghost» / «Ուրվականը», «Chess» / «Շախմատ», «Cabaret» / «Կաբարե» մյուզիքլներում: 2019 թվականին եղել է «Ստիլյագաները» մյուզիքլի դենս-կապիտանը (Ազգերի թատրոն, Մոսկվա):

2020 թվականին ռուսական «Մեծ մյուզիքլ» և «Մեծ ջազ» օրիգինալ հեռուստաշոուների բալետմայստերի օգնականն էր։

Ռուսաստանի ազգային թատրերական «Ոսկե դիմակ» մրցանակաբաշխության դափնեկիր «Լավագույն լուսային նկարիչ» անվանակարգում («Պետրովները՝ գրիպով» ներկայացման համր, Գոգոլ-կենտրոն, 2021թ.): Ռուսաստանի ազգային «Թատրոնի երաժշտական ​​սիրտը» մրցանակաբաշխության դափնեկիր «Լավագույն լուսային ձևավորում» անվանակարգում («Կաբարե» ներկայացման համար, «Գլոբուս» թատրոն, 2021թ.):

Ավարտել է Մոսկվայի գեղարվեստական ​​թատրոնի Վլ.Ի. Նեմիրովիչ-Դանչենկոյի անվան Դպրոց-ստուդիայի բեմադրական բաժինը (Դամիր Իսմագիլովի արվեստանոց, 2006թ.):

Ավելի քան 200 թատերական ներկայացումների լուսային ձևավորման հեղինակ է Ռուսաստանի և Եվրոպայի առաջատար թատրոններում, այդ թվում՝ «Ֆրաու Շինդլեր» (Ստանիսլավսկու և Նեմիրովիչ-Դանչենկոյի անվան երաժշտական ​​թատրոն), «Վիշապ», «Երեք քույրեր», «Սերյոժա» (Մոսկվայի Մ. Չեխովի անվան գեղարվեստական ​​թատրոն), «Դենդիներ», «Կրկես» և «Կապույտ կապույտ թռչուն» (Ազգերի թատրոն), «Կոստիկ» (Պուշկինի անվան թատրոն), «Սվինի Թոդ» և «Փախիր, Ալի՛ս, փախիր», «Օնեգին» (Տագանկայի թատրոն), «Հեքիաթ Ցար Սալթանի մասին» (Մեծ թատրոն), «Մեդեա» (Թբիլիսիի օպերային թատրոն)։

2012 թվականին, Չեխովյան փառատոնի հետ համագործակցության շրջանակում, աշխատել է «Ամառային գիշերվա երազը» ներկայացման վրա, որի պրեմիերան կայացել է Շեքսպիրյան Թագավորական թատրոնում (Ստրատֆորդ-Էյվոնի-վրա, Մեծ Բրիտանիա)՝ Շեքսպիրյան համաշխարհային փառատոնի սահմանում։ Ներկայացումը ցուցադրվել է Էդինբուրգում, իսկ ավելի ուշ՝ Ավստրալիայում և Նոր Զելանդիայում։

Ստեղծում է լուսային պարտիտուրներ ստուդիական և համերգային հեռուստատեսային հաղորդումների համար, համագործակցում է ականավոր ռեժիսորների հետ (Կիրիլ Սերեբրեննիկով, Կոնստանտին Բոգոմոլով, Դմիտրի Կրիմով), մասնակցում է միջազգային խոշոր նախագծերի։

Որպես հնչունային ռոժիսոր համագործակցել է Բրոդվեյ Մոսկվա և Stage Entertainment Russia թատերական ընկերությունների, «Stage Orchestra» նվագախմբի, Մոսկվայի մյուզիքլի ​​թատրոնի, Ազգերի թատրոնի, Պուշկինի անվան թատրոնի և այլ թատերախմբերի հետ։

• 2012-2014 - «Վատնիչները» և «Ժամանակները չեն ընտրում» մյուզիքլների հնչունային ռեժիսոր (Մոսկվա)
• 2013 — «Կյանքը հրաշալի է» (Մոսկվա) և «Սիրո պատմություն» մյուզիքլների հնչունային դիզայներ
• 2014 — «Օ՛Հենրիի Ծննդյան տոները» մյուզիքլի հնչունային դիզայներ (Մոսկվա)
• 2014-2016 — «Օպերայի ուրվականը» մյուզիքլի հնչունային ռեժիսոր և «Broadway Dreams» շոուի հնչունային դիզայներ (Մոսկվա)
• 2015 — «Անձրևի տակ երգողները» մյուզիքլի հնչունային ռեժիսոր (Մոսկվա)
• 2016 — «Մոխրոտը» մյուզիքլի թողարկող հնչունային ռեժիսոր (Մոսկվա)
• 2016-2017թթ. - «Վամպիրների պարահանդեսը» մյուզիքլի հնչունային ռեժիսոր և արտադրության վարիչ (Մոսկվա)
• 2017-2018 — «Ուրվականը» մյուզիքլի հնչունային ռեժիսոր և արտադրության վարիչ (Մոսկվա)
• 2018 — «Դժողքի չղջիկը» մյուզիքլի թողարկող ռեժիսոր (Օբերհաուզեն, Գերմանիա) և «Կախարդական լամպ» մյուզիքլի հնչունային դիզայներ (Մոսկվա)
• Մոսկայի Կրեմլի պալատում կայացած «Օպերայի ուրվականը» մյուզիքլի համերգային տարբերակի ձայնային ինժեներ։
• 2018-2020 — Իվան Օժոգինի և Դրյու Սերիչի «Եղբայրներ երաժշտության մեջ» համերգների հնչունային դիզայներ (Մոսկվա, Սանկտ Պետերբուրգ)
• 2019 — «Ստիլյագաներ», «Ջազ երեքի համար», «Հոշոտիչները», «Բուրատինո» մյուզիքլների հնչունային դիզայներ, «Կատակերգություն, թե ինչպես են բանկ թալանել» և «Առաջին ժամադրություն» մյուզիքլ հնչունային ռեժիսոր (Մոսկվա)
• 2019-2020 — «Մյուզիքլ խաղը» թատերայնացված համերգների հնչունային դիզայներ (Մոսկվա)
• 2020 — «Շախմատ» մյուզիքլի հնչունային ռեժիսոր (Մոսկվա)

Անցկացնում է սեմինարներ և թրեյնինգներ թատրոնի հնչունային ռեժիսորների համար, իրականացնում է խորհրդատվություններ հնչունային ձվավորման վերաբերյալ։

Մեր դարի մյուզիքլների, այդ թվում՝ Սոնդհայմի, Բրաունի, Պասեկի և Փոլի, Գասպարինիի և այլոց ստեղծագործությունների երաժշտական ​​արիաների ադապտացված թարգմանությունների հեղինակն է։ Համագործակցել է «Կուլտուրա» հեռուստաալիքի հետ, արիաների նրա թարգմանությունները հնչել են «Զարյադյե» համերգասրահի բեմից և «Ռոմանսի ռոմանտիկան» հեռուստածրագրում։ ԳԻՏԻՍ-ի «Վերջին զանգը» մյուզիքլի լիբրետոյի համահեղինակն է։ «Վարձով տվե՛ք տենորի» մյուզիքլի ռուսական պրեմիերայի տեքստերի գրական խմբագիրն ու համահեղինակն է, Սվերդլովսկի երաժշտական ​​կոմեդիայի թատրոնի «Երկու ծովերի մեղեդի» ներկայացման տեքստի հեղինակն է։ SONGBOOK մյուզիքլային արիաների թարգմանությունների շտեմարանի գրական խմբագիրն ու թարգմանիչներից մեկն է։

Սովորել է Եկատերինբուրգի պետական ​​թատերական ինստիտուտում (Անատոլի Պրավդինի ռեժիսորական արվեստանոց): Ստացել է դասական հումանիտար կրթություն Ուրալի դաշնային համալսարանում:

Շուրջ քսան մյուզիքլներում աշխատել է որպես ռեժիսորի օգնական և ուսուցող ռեժիսոր։ Համակարգել է DANCE-SUMMIT-2016 միջազգային նախագծերը, «ԵԶՐԻՆ» ժամանակակից պարերի միջազգային փառատոնը և «Զմրուխտե քաղաք» համաշխարհային երաժշտության միջազգային փառատոնը։