ՊԱՏՄՈՒԹՅՈՒՆ

«Հայելիների ձայները» մյուզիքլի պատմությունը սկսվեց Երևանում՝ Պողոս Հարությունյանի աջակցությամբ հրատարակված «Աշուղ Ջիվանու տոհմածառը» մոնումենտալ մենագրության շնորհանդեսին։* Պողոսի մանկության ընկերը՝ Երևանի անվանի նկարիչ և քանդակագործ Մհեր Մնացականյանը պրոդյուսերին առաջարկել է օգնել իր «Հայելիների ձայները» պիեսի ստեղծման գործում, որի վրա վերջինս աշխատել է ավելի քան 10 տարի։ Պիեսը հավերժական երկընտրանքի ժամանակակից ներկայացումն է (ինչո՞վ է մարդն առաջնորդվում որոշում կայացնելիս՝ սրտո՞վ, թե՞ ուղեղով)։

Պիեսը հիմնված է Հին և Նոր Կտակարանների վրա։ Պողոսը ձեռագիրը իր հետ տարել է Լոս Անջելես։ Մարդու մեջ լուսավոր և մութ կողմերի պայքար, նրա հոգևոր կերպարանափոխություն, անսպասելի և ցնցող ավարտ. առեղծվածային ստեղծագործությունն այնքան գերեց պրոդյուսերին, որ նա հեղինակին առաջարկեց այդ գործի մասշտաբային իրականացում և ձեռնամուխ եղավ ստեղծել պիեսի հիման վրա ստեղծված «Հայելիների ձայները» մյուզիքլը:

2019-ին պրոդյուսերը հավաքեց աստղային միջազգային թիմ և սկսեց SKYFIST Studio-ի առաջին օրիգինալ մյուզիքլի արտադրությունը, որի վրա թիմը շարունակեց աշխատել Համաճարակի պատճառով առաջացած արգելափակումից հետո:

* Պողոս Հարությունյանի մորեղբայր Վլադիմիր Բանգոյանը, ում նախահայրն է եղել հայ նշանավոր երգահան Աշուղ Ջիվանին (Սերոբ Լևոնյան, 1846-1909), ավելի քան 20 տարի աշխատել է «Աշուղ Ջիվանու տոհմածառը» մենագրության վրա։ Ջիվանին հայկական նոր աշուղական դպրոցի հիմնադիրն է (19-րդ դար), նրա պոեզիային բնորոշ է հայոց լեզվի առանձնահատուկ անաղարտությունը, որն ամենամոտն է գրականին։ Ջիվանին թողել է բանաստեղծական հարուստ ժառանգություն՝ ավելի քան 800 ստեղծագործություն, որոնցից շատերն այնքան են սիրվել հայերի կողմից, որ վաղուց արդեն դասվել են «ժողովրդական» շարքին։